Entertainment News | ਐਨੀਮਲ ਫਿਲਮ ਨੇ ਕਮਾਈ ਕਰਨ ਦੇ ਤੋੜੇ ਰਿਕਾਰਡ
ਫਿਲਮ ‘ਐਨੀਮਲ’ ਇਸ ਸਮੇਂ ਬਾਕਸ ਆਫਿਸ ‘ਤੇ ਸ਼ਾਨਦਾਰ ਕਮਾਈ ਕਰ ਰਹੀ ਹੈ। ਰਣਬੀਰ ਕਪੂਰ, ਬੌਬੀ ਦਿਓਲ, ਅਨਿਲ ਕਪੂਰ ਅਤੇ ਰਸ਼ਮਿਕਾ ਮੰਡਾਨਾ ਸਟਾਰਰ ਫਿਲਮ ਨੇ ਪਹਿਲੇ ਦਿਨ ਕਈ ਫਿਲਮਾਂ ਦੇ ਰਿਕਾਰਡ ਤੋੜ ਦਿੱਤੇ ਹਨ। ਰਣਬੀਰ ਦੀ ‘Animal’ 1 ਦਸੰਬਰ ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਈ ਸੀ। ਫਿਲਮ ਨੂੰ ਆਲੋਚਕਾਂ ਅਤੇ ਪ੍ਰਸ਼ੰਸਕਾਂ ਤੋਂ ਚੰਗੀ ਸਮੀਖਿਆ ਮਿਲ ਰਹੀ ਹੈ। ਫਿਲਮ ਨੇ ਤਿੰਨ ਦਿਨਾਂ ‘ਚ 200 ਕਰੋੜ ਰੁਪਏ ਤੋਂ ਪਾਰ ਦੀ ਕਮਾਈ ਕਰ ਲਈ ਹੈ। ਰਣਬੀਰ ਕਪੂਰ ਅਤੇ ਬੌਬੀ ਦਿਓਲ ਦੀ ਫਿਲਮ ਨੂੰ ਵੀਕੈਂਡ ਯਾਨੀ ਐਤਵਾਰ ਦਾ ਜ਼ਬਰਦਸਤ ਫਾਇਦਾ ਹੋਇਆ ਹੈ।ਪਹਿਲੇ ਅਤੇ ਦੂਜੇ ਦਿਨ ਦੀ ਧਮਾਕੇਦਾਰ ਕਮਾਈ ਤੋਂ ਬਾਅਦ ਹੁਣ ਸਭ ਦੀਆਂ ਨਜ਼ਰਾਂ ਤੀਜੇ ਦਿਨ ਦੀ ਕਮਾਈ ‘ਤੇ ਟਿਕੀਆਂ ਹੋਈਆਂ ਹਨ। ‘Animal’ ਨੇ ਆਪਣੀ ਰਿਲੀਜ਼ ਦੇ ਪਹਿਲੇ ਦਿਨ 63.8 ਕਰੋੜ ਦੀ ਕਮਾਈ ਕਰਕੇ ਕਈ ਰਿਕਾਰਡ ਤੋੜ ਦਿੱਤੇ ਹਨ। ਇਸ ਦੇ ਨਾਲ ਹੀ ‘Animal’ ਦੀ ਦੁਨੀਆ ਭਰ ‘ਚ ਪਹਿਲੇ ਦਿਨ ਦੀ ਕੁਲੈਕਸ਼ਨ 116 ਕਰੋੜ ਰਹੀ ਹੈ। ਇਸ ਦੇ ਨਾਲ ਹੀ ਰਣਬੀਰ ਦੀ ਫਿਲਮ ਨੇ ਛੁੱਟੀਆਂ ਨਾ ਹੋਣ ‘ਤੇ ਸਭ ਤੋਂ ਵੱਧ ਕਮਾਈ ਕਰਨ ਦਾ ਰਿਕਾਰਡ ਵੀ ਬਣਾ ਲਿਆ ਹੈ। ਦੂਜੇ ਦਿਨ ਫਿਲਮ ਨੇ 66.27 ਕਰੋੜ ਰੁਪਏ ਦਾ ਕਾਰੋਬਾਰ ਕੀਤਾ, ਜਿਸ ‘ਚੋਂ ਹਿੰਦੀ ਭਾਸ਼ਾ ‘ਚ ਇਸ ਨੇ 58.37 ਕਰੋੜ ਰੁਪਏ ਕਮਾਏ।
The post Entertainment News | ਐਨੀਮਲ ਫਿਲਮ ਨੇ ਕਮਾਈ ਕਰਨ ਦੇ ਤੋੜੇ ਰਿਕਾਰਡ first appeared on Ontario Punjabi News.