ਭਾਰਤੀ ਮੂਲ ਦੇ ਕੈਨੇਡੀਅਨ ‘ਤੇ ਫਲੋਰੀਡਾ ‘ਚ ਚਾਰ ਮਹੀਨਿਆਂ ਦੀ ਧੀ ਨੂੰ ਕਾਰ ਨਾਲ ਦਰੜਨ ਦਾ ਦੋਸ਼
ਭਾਰਤੀ ਮੂਲ ਦੇ ਕੈਨੇਡੀਅਨ ‘ਤੇ ਫਲੋਰੀਡਾ ‘ਚ ਚਾਰ ਮਹੀਨਿਆਂ ਦੀ ਧੀ ਨੂੰ ਕਾਰ ਨਾਲ ਦਰੜਨ ਦਾ ਦੋਸ਼
ਫਲੋਰੀਡਾ, 20 ਦਸੰਬਰ (ਰਾਜ ਗੋਗਨਾ/ਕੁਲਤਰਨ ਸਿੰਘ ਪਧਿਆਣਾ)- ਬੀਤੇ ਦਿਨੀਂ ਇਕ 30 ਸਾਲਾ ਦੇ ਭਾਰਤੀ ਮੂਲ ਦੇ ਕੈਨੇਡੀਅਨ ‘ਤੇ ਸ਼ਰਾਬ ਪੀ ਕੇ ਗੱਡੀ ਚਲਾਉਣ ਅਤੇ ਆਪਣੀ ਚਾਰ ਮਹੀਨਿਆਂ ਦੀ ਧੀ ਦੇ ਨਾਲ ਉਸ ਦੇ ਵਾਹਨ ਨੂੰ ਦਰੜਨ ਦਾ ਦੋਸ਼ ਲਗਾਇਆ ਗਿਆ ਹੈ। ਕੈਨੇਡਾ ਦੇ ਓਨਟਾਰੀਓ ਸੂਬੇ ਦੇ ਵਸਨੀਕ ਪੀਯੂਸ਼ ਗੁਪਤਾ ਨੂੰ ਪਿਛਲੇ ਦਿਨੀਂ ਪੁਲਿਸ ਹਿਰਾਸਤ ਵਿਚ ਲਿਆ ਗਿਆ ਸੀ ਅਤੇ ਉਹ ਮੋਨਰੋ ਕਾਉਂਟੀ ਫਲੋਰੀਡਾ ਰਾਜ ਦੀ ਕੀ ਵੈਸਟ ਜੇਲ੍ਹ ਵਿਚ ਸਲਾਖਾਂ ਪਿੱਛੇ ਬੰਦ ਹੈ। ਉਸ ਨੂੰ ਦੁਰਵਿਹਾਰ ਡੀ.ਯੂ.ਆਈ. ਚਾਰਜ ਤੋਂ ਇਲਾਵਾ ਦੋ ਸੰਗੀਨ ਬੱਚਿਆਂ ਦੀ ਅਣਗਹਿਲੀ ਦੇ ਦੋਸ਼ਾਂ ਦੇ ਹੇਠ ਗ੍ਰਿਫਤਾਰ ਕੀਤਾ ਗਿਆ।
ਮੋਨਰੋ ਕਾਉਂਟੀ ਸ਼ੈਰਿਫ ਦੇ ਦਫਤਰ ਨੇ ਕਿਹਾ ਕਿ ਪਿਛਲੇ ਹਫਤੇ 12 ਦਸੰਬਰ ਨੂੰ ਉਨ੍ਹਾਂ ਨੂੰ ਇੱਕ ਕਾਲ ਪ੍ਰਾਪਤ ਹੋਈ, ਜਿਸ ਵਿਚ ਦੱਸਿਆ ਗਿਆ ਕਿ ਫਲੋਰੀਡਾ ਕੀਜ਼ ਵਿਚ ਓਵਰਸੀਜ਼ ਹਾਈਵੇਅ ‘ਤੇ ਆਪਣੇ ਵਾਹਨ ਨਾਲ ਇੱਕ ਵਾਹਨ ਨੂੰ ਕੰਕਰੀਟ ਦੀ ਕੰਧ ਨਾਲ ਨਸ਼ੇ ਵਿਚ ਜਾ ਟਕਰਾਇਆ। ਪੁਲਿਸ ਨੇ ਕਿਹਾ ਕਿ ਹਾਲਾਂਕਿ, ਉਸਨੇ ਗੈਸ ਸਟੇਸ਼ਨ ‘ਤੇ ਰੁੱਕਣ ਤੋਂ ਪਹਿਲਾਂ ”ਰਫ਼ਤਾਰ ਅਤੇ ਹੌਲੀ” ਗੱਡੀ ਚਲਾਉਣਾ ਜਾਰੀ ਰੱਖਿਆ। ਜਦੋਂ ਉਹ ਗੈਸ ਸਟੇਸ਼ਨ ਤੋਂ ਕੁਝ ਦੂਰ ਚਲਾ ਗਿਆ, ਤਾਂ ਪੁਲਿਸ ਦੇ ਡਿਪਟੀ ਨੇ ਵਾਹਨ ਦਾ ਪਿੱਛਾ ਕੀਤਾ ਅਤੇ ਉਨ੍ਹਾਂ ਨੇ ਡਰਾਈਵਰ ਨੂੰ ਕਾਬੂ ਕਰ ਲਿਆ। ਗ੍ਰਿਫ਼ਤਾਰੀ ਦੀ ਰਿਪੋਰਟ ਅਨੁਸਾਰ, ਪੁਲਿਸ ਅਧਿਕਾਰੀਆਂ ਨੇ ਗੁਪਤਾ ਦੀ ਪਤਨੀ, ਜੋ ਕਿ ਸ਼ਰਾਬੀ ਸੀ ਅਤੇ ਉਸਦੇ ਬੱਚੇ ਨੂੰ ਗੱਡੀ ਦੇ ਅੰਦਰ ਦੇਖਿਆ। ਗੁਪਤਾ ਨੇ ਡਿਪਟੀ ਨੂੰ ਦੱਸਿਆ ਕਿ ਉਹ ਕੈਨੇਡਾ, ਫਿਰ ਮਿਆਮੀ, ਫਿਰ ਕੀ ਵੈਸਟ ਫਲੋਰਿਡਾ ਤੋਂ ਆ ਰਿਹਾ ਹੈ, ਜਿੱਥੇ ਉਸਨੇ ਬੀਅਰ ਪੀਤੀ। ਗੁਪਤਾ ਨੂੰ ਪੁਲਿਸ ਵੱਲੋਂ ਕੀਤੇ ਟੈਸਟਾਂ ‘ਚ ਅਸਫਲ ਹੋਣ ਤੋਂ ਬਾਅਦ ਹਿਰਾਸਤ ‘ਚ ਲਿਆ ਗਿਆ ਸੀ। ਪਤਨੀ ਨੇ ਅਧਿਕਾਰੀ ਨੂੰ ਦੱਸਿਆ ਕਿ ਬੱਚਾ ਭੁੱਖਾ ਹੋਣ ਕਾਰਨ ਰੋ ਰਿਹਾ ਸੀ। ਪਤਨੀ ਨੇ ਅੱਗੇ ਕਿਹਾ ਕਿ ਉਹ ਬੱਚੇ ਲਈ ਭੋਜਨ ਲੈਣ ਲਈ ਕੀ ਵੈਸਟ ਤੋਂ ਮਿਆਮੀ ਤੱਕ ਗੱਡੀ ਚਲਾਉਣ ਦੀ ਯੋਜਨਾ ਬਣਾ ਰਹੇ ਸਨ।
ਅਧਿਕਾਰੀਆਂ ਨੇ ਆਪਣੀ ਰਿਪੋਰਟ ਵਿਚ ਲਿਖਿਆ ਹੈ ਕਿ ਉਨ੍ਹਾਂ ਨੇ ਗੁਪਤਾ ਨੂੰ ਉਸ ਦੀ ਕਮਜ਼ੋਰ ਡਰਾਈਵਿੰਗ ਅਤੇ ਬੱਚੇ ਲਈ ਭੋਜਨ ਨਾ ਹੋਣ ਦੇ ਆਧਾਰ ‘ਤੇ ਬਿਨਾਂ ਕਿਸੇ ਸਰੀਰਕ ਨੁਕਸਾਨ ਦੇ ਬੱਚੇ ਦੀ ਅਣਗਹਿਲੀ ਦੇ ਦੋਸ਼ਾਂ ਵਿਚ ਗ੍ਰਿਫਤਾਰ ਕੀਤਾ।
The post ਭਾਰਤੀ ਮੂਲ ਦੇ ਕੈਨੇਡੀਅਨ ‘ਤੇ ਫਲੋਰੀਡਾ ‘ਚ ਚਾਰ ਮਹੀਨਿਆਂ ਦੀ ਧੀ ਨੂੰ ਕਾਰ ਨਾਲ ਦਰੜਨ ਦਾ ਦੋਸ਼ first appeared on Ontario Punjabi News.