ਨਵੀਂ ਦਿੱਲੀ, 3 ਜਨਵਰੀ
ਬੋਫੋਰਜ਼ ਮਾਮਲੇ ‘ਚ 64 ਕਰੋੜ ਰੁਪੲੇ ਦਲਾਲੀ ਸਬੰਧੀ ਕੇਸ ਲੜ ਰਹੇ ਇੱਕ ਵਕੀਲ ਨੇ ਦਿੱਲੀ ਪੁਲੀਸ ਨੂੰ ਦਿੱਤੀ ਸ਼ਿਕਾਇਤ ‘ਚ ਦਾਅਵਾ ਕੀਤਾ ਹੈ ਕਿ ਉਸ ਨੂੰ ਇੱਕ ਪੱਤਰ ਰਾਹੀਂ ਜਾਨੋਂ ਮਾਰਨ ਦੀਆਂ ਧਮਕੀਆਂ ਮਿਲੀਆਂ ਹਨ। ਵਕੀਲ ਅਜੈ ਅਗਰਵਾਲ ਨੇ ਦਾਅਵਾ ਕੀਤਾ ਕਿ ਉਸ ਨੂੰ ਸਾਧਾਰਨ ਡਾਕ ਰਾਹੀਂ 31 ਨੂੰ ਦਸੰਬਰ ਨੂੰ ਇੱਕ ਪੱਤਰ ਪ੍ਰਾਪਤ ਹੋਇਆ, ਜਿਸ ‘ਤੇ ਭੇਜਣ ਵਾਲੇ ਦਾ ਐਡਰੈੱਸ ਨਹੀਂ ਸੀ। ਉਸ ਨੇ ਦਾਅਵਾ ਕੀਤਾ ਕਿ ਪੱਤਰ ਵਿੱਚ ਲਿਖਿਆ ਹੋਇਆ ਹੈ ਜੇਕਰ ਉਸ (ਅਜੈ ਅਗਰਵਾਲ) ਨੇ ਸੁਪਰੀਮ ਕੋਰਟ ਵਿੱਚੋਂ ਕੇਸ ਵਾਪਸ ਨਾ ਲਿਆ ਤਾਂ ਉਸ ਨੂੰ ਅਤੇ ਉਸ ਦੇ ਪਰਿਵਾਰ ਨੂੰ ਇਸ ਦੇ ਗੰਭੀਰ ਸਿੱਟੇ ਭੁਗਤਣੇ ਪੈਣਗੇ। -ਪੀਟੀਆਈ