ਮੁੰਬਈ, 10 ਅਪਰੈਲ
ਰਾਜਸਥਾਨ ਰੌਇਲਜ਼ ਨੇ ਆਈਪੀਐੱਲ ਮੁਕਾਬਲੇ ਵਿੱਚ ਅੱਜ ਲਖਨਊ ਸੁਪਰ ਜਾਇੰਟਸ ਨੂੰ ਤਿੰਨ ਦੌੜਾਂ ਨਾਲ ਹਰਾ ਦਿੱਤਾ। ਰਾਜਸਥਾਨ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਛੇ ਵਿਕਟਾਂ ‘ਤੇ 165 ਦੌੜਾਂ ਬਣਾਈਆਂ। ਰਾਜਸਥਾਨ ਲਈ ਸ਼ਿਮਰੌਨ ਹੈਟਮਾਇਰ ਨੇ ਸਭ ਤੋਂ ਵੱਧ ਨਾਬਾਦ 59 ਦੌੜਾਂ ਦਾ ਯੋਗਦਾਨ ਪਾਇਆ। ਲਖਨਊ ਲਈ ਕ੍ਰਿਸ਼ਣੱਪਾ ਗੌਤਮ ਅਤੇ ਜੇਸਨ ਹੋਲਡਰ ਨੇ ਦੋ-ਦੋ ਵਿਕਟਾਂ ਲਈਆਂ। ਟੀਚੇ ਦਾ ਪਿੱਛਾ ਕਰਦਿਆਂ ਸੁਪਰ ਜਾਇੰਟਸ ਦੀ ਟੀਮ ਅੱਠ ਵਿਕਟਾਂ ‘ਤੇ 162 ਦੌੜਾਂ ਹੀ ਬਣਾ ਸਕੀ। ਰਾਜਸਥਾਨ ਵੱਲੋਂ ਯੁਜ਼ਵੇਂਦਰ ਚਾਹਲ ਨੇ ਸਭ ਤੋਂ ਵੱਧ ਚਾਰ, ਜਦੋਂਕਿ ਟਰੈਂਟ ਬੋਲਟ ਨੇ ਦੋ ਵਿਕਟਾਂ ਝਟਕਾਈਆਂ। -ਪੀਟੀਆਈ