ਨਾਸਿਕ, 6 ਜੁਲਾਈ
ਮਹਾਰਾਸ਼ਟਰ ਦੇ ਨਾਸਿਕ ਜ਼ਿਲ੍ਹੇ ਦੇ ਯੇਓਲਾ ਕਸਬੇ ਵਿੱਚ ਕੱਲ੍ਹ ਦੇਰ ਸ਼ਾਮ ਅਫ਼ਗਾਨਿਸਤਾਨ ਦੇ ਸ਼ਰਨਾਰਥੀ ਮੌਲਵੀ ਨੂੰ ਗੋਲੀਆਂ ਮਾਰ ਕੇ ਮਾਰ ਦਿੱਤਾ। ਜਾਂਚ ਅਧਿਕਾਰੀ ਮੁਤਾਬਕ ਇਹ ਘਟਨਾ ਸ਼ਾਮ 7.15 ਵਜੇ ਦੇ ਕਰੀਬ ਦੀ ਹੈ। ਜਾਂਚ ਤੋਂ ਪਤਾ ਲੱਗਿਆ ਕਿ ਘੱਟੋ-ਘੱਟ ਚਾਰ ਅਣਪਛਾਤੇ ਵਿਅਕਤੀ ਅਚਾਨਕ ਆਏ ਅਤੇ ਅਫ਼ਗਾਨ ਮੌਲਵੀ ‘ਤੇ ਕਈ ਗੋਲੀਆਂ ਦਾਗ਼ੀਆਂ। ਗੋਲੀਆਂ ਉਸ ਦੇ ਸਿਰ ਤੇ ਗਰਦਨ ‘ਤੇ ਲੱਗਿਆਂ, ਜਿਸ ਕਾਰਨ ਉਸ ਦੀ ਮੌਕੇ ‘ਤੇ ਮੌਤ ਹੋ ਗਈ। ਪੀੜਤ ਦੀ ਪਛਾਣ ਅਫ਼ਗਾਨਿਸਤਾਨ ਸ਼ਰਨਾਰਥੀ ਖਵਾਜਾ ਸੱਯਦ ਚਿਸ਼ਤੀ (35) ਵਜੋਂ ਹੋਈ ਹੈ, ਜੋ ਸਥਾਨਕ ਤੌਰ ‘ਤੇ ‘ਸੂਫੀ ਬਾਬਾ’ ਵਜੋਂ ਪ੍ਰਸਿੱਧ ਸੀ ਅਤੇ ਕਈ ਧਾਰਮਿਕ ਇਕੱਠਾਂ ਜਾਂ ਮਕਬਰਿਆਂ ਵਿੱਚ ਪ੍ਰਚਾਰ ਕਰਦਾ ਸੀ।