ਕਰਾਚੀ, 20 ਮਈ
ਪਾਕਿਸਤਾਨ ਦੇ ਹਾਕੀ ਕੋਚ ਸੀਗਫ੍ਰਾਈਡ ਆਇਕਮੈਨ ਨੇ 12 ਮਹੀਨਿਆਂ ਤੋਂ ਤਨਖਾਹ ਨਾ ਮਿਲਣ ਕਾਰਨ ਆਪਣੇ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ ਹੈ। ਆਇਕਮੈਨ ਨੇ ਪਿਛਲੇ ਸਾਲ ਪਾਕਿਸਤਾਨ ਦੀ ਹਾਕੀ ਟੀਮ ਦੇ ਕੋਚ ਦਾ ਅਹੁਦਾ ਸੰਭਾਲਿਆ ਸੀ। ਉਨ੍ਹਾਂ ਨੇ ਸੋਸ਼ਲ ਮੀਡੀਆ ਰਾਹੀਂ ਮੁੱਖ ਕੋਚ ਦੇ ਅਹੁਦੇ ਤੋਂ ਅਸਤੀਫਾ ਦੇਣ ਦਾ ਐਲਾਨ ਕੀਤਾ। ਆਇਕਮੈਨ, ਜੋ ਨੀਦਰਲੈਂਡ ਦਾ ਰਹਿਣ ਵਾਲਾ ਹੈ, ਤਨਖਾਹ ਦੇ ਵਿਵਾਦ ਕਾਰਨ ਪਿਛਲੇ ਸਾਲ ਘਰ ਪਰਤਿਆ ਸੀ ਪਰ ਤਨਖਾਹ ਦਾ ਭੁਗਤਾਨ ਨਾ ਹੋਣ ਕਾਰਨ ਉਸ ਨੇ ਨੌਕਰੀ ਨਹੀਂ ਸੀ ਛੱਡੀ। ਕੋਈ ਹੱਲ ਨਾ ਹੋਣ ਕਾਰਨ ਉਸ ਨੇ ਆਖਰ ਅਸਤੀਫਾ ਦੇ ਦਿੱਤਾ।