ਨਵੀਂ ਦਿੱਲੀ: ਬਰਮਿੰਘਮ ਰਾਸ਼ਟਰਮੰਡਲ ਖੇਡਾਂ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਤੋਂ ਬਾਅਦ ਭਾਰਤੀ ਅਥਲੀਟ ਅਤੇ ਖਿਡਾਰੀ ਦੇਸ਼ ਪਰਤਣੇ ਸ਼ੁਰੂ ਹੋ ਗਏ ਹਨ। ਇੰਦਰਾ ਗਾਂਧੀ ਅੰਤਰਰਾਸ਼ਟਰੀ ਹਵਾਈ ਅੱਡੇ ‘ਤੇ ਉਨ੍ਹਾਂ ਦਾ ਨਿੱਘਾ ਸਵਾਗਤ ਕੀਤਾ ਜਾ ਰਿਹਾ ਹੈ। ਜਾਣਕਾਰੀ ਅਨੁਸਾਰ ਅਮਿਤ ਪੰਘਾਲ ਦੀ ਅਗਵਾਈ ਹੇਠ ਮੁੱਕੇਬਾਜ਼ੀ ਦਲ, ਕੁਸ਼ਤੀ ਦਲ, ਪੈਰਾ ਪਾਵਰਲਿਫਟਰ ਅਤੇ ਅਥਲੀਟ ਬੀਤੀ ਰਾਤ ਭਾਰਤ ਪੁੱਜੇ ਹਨ। ਇਸ ਦੌਰਾਨ ਜਦੋਂ ਦੀਪਕ ਪੂਨੀਆ ਤੇ ਸਾਕਸ਼ੀ ਮਲਿਕ ਸਮੇਤ ਪੂਰਾ ਕੁਸ਼ਤੀ ਦਲ ਹਵਾਈ ਅੱਡੇ ‘ਤੇ ਪਹੁੰਚਿਆ ਤਾਂ ਢੋਲ ਵਜਾ ਕੇ ਉਨ੍ਹਾਂ ਦਾ ਸਵਾਗਤ ਕੀਤਾ ਗਿਆ। ਇਸ ਸਬੰਧੀ ਵੀਡੀਓ ਸਾਂਝੀ ਕਰਦਿਆਂ ਸਪੋਰਟ ਅਥਾਰਟੀ ਆਫ ਇੰਡੀਆ ਨੇ ਟਵੀਟ ਵੀ ਕੀਤਾ। -ਆਈਏਐੱਨਐੱਸ