ਪਣਜੀ, 24 ਅਗਸਤ
ਭਾਜਪਾ ਆਗੂ ਅਤੇ ਅਦਾਕਾਰਾ ਸੋਨਾਲੀ ਫੋਗਾਟ ਦੀ ਮੌਤ ਦੇ ਅਸਲ ਕਾਰਨਾਂ ਦਾ ਪਤਾ ਲਗਾਉਣ ਲਈ ਅੱਜ ਗੋਆ ਮੈਡੀਕਲ ਕਾਲਜ ਅਤੇ ਹਸਪਤਾਲ (ਜੀਐੱਮਸੀਐੱਚ) ਵਿੱਚ ਉਸ ਦਾ ਪੋਸਟਮਾਰਟਮ ਕਰਵਾਇਆ ਜਾਵੇਗਾ। ਫੋਗਾਟ ਦਾ ਪਰਿਵਾਰ ਮੰਗਲਵਾਰ ਰਾਤ ਗੋਆ ਪਹੁੰਚਿਆ। ਜੀਐੱਮਸੀਐਚ ਦੇ ਸੀਨੀਅਰ ਅਧਿਕਾਰੀ ਨੇ ਦੱਸਿਆ ਕਿ ਹਸਪਤਾਲ ਦੇ ਫੋਰੈਂਸਿਕ ਸਾਇੰਸ ਮੈਡੀਸਨ ਵਿਭਾਗ ਦੇ ਦੋ ਮਾਹਿਰਾਂ ਦਾ ਪੈਨਲ, ਜਿਸ ਵਿੱਚ ਡਾਕਟਰ ਸੁਨੀਲ ਚਿਮੁਲਕਰ ਅਤੇ ਡਾਕਟਰ ਸ਼ੌਰਿਲ ਸੋਰੇਸ ਸ਼ਾਮਲ ਹਨ, ਪੋਸਟਮਾਰਟਮ ਕਰੇਗਾ। ਫੋਗਾਟ ਦਾ ਬੀਤੇ ਦਿਨ ਦਿਲ ਦੇ ਦੌਰੇ ਕਾਰਨ ਦੇਹਾਂਤ ਹੋ ਗਿਆ ਸੀ।