ਮੁੰਬਈ: ਫ਼ਿਲਮਸਾਜ਼ ਅਯਾਨ ਮੁਖਰਜੀ ਨੇ ਅੱਜ ਐਲਾਨ ਕੀਤਾ ਕਿ ‘ਬ੍ਰਹਮਾਸਤਰ’ ਦੀ ਟੀਮ ਨਵਰਾਤਿਆਂ ਦੇ ਮੱਦੇਨਜ਼ਰ ਅਗਲੇ ਚਾਰ ਦਿਨ ਫਿਲਮ ਦੀਆਂ ਟਿਕਟਾਂ 100 ਰੁਪਏ ਵਿੱਚ ਵੇਚੇਗੀ। ਮੁਖਰਜੀ ਨੇ ਕਿਹਾ, ”ਇਹ ਨਵੀਂ ਸਕੀਮ ਫ਼ਿਲਮ ਟੀਮ ਵੱਲੋਂ ਵਿਸ਼ਵ ਸਿਨੇਮਾ ਦਿਵਸ ਮੌਕੇ ਟਿਕਟ 75 ਰੁਪਏ ਕਰਨ ਦਾ ਤਜਰਬਾ ਸਫ਼ਲ ਰਹਿਣ ਮਗਰੋਂ ਲਿਆਂਦੀ ਗਈ ਹੈ। ਉਨ੍ਹਾਂ ਕਿਹਾ ਕਿ ਰਣਬੀਰ ਕਪੂਰ ਤੇ ਆਲੀਆ ਭੱਟ ਦੀ ਭੂਮਿਕਾ ਵਾਲੀ ਫਿਲਮ ਦੀਆਂ ਟਿਕਟਾਂ ਹੁਣ 26 ਤੋਂ 29 ਸਤੰਬਰ ਤੱਕ 100 ਰੁਪਏ ਵਿੱਚ ਮਿਲਣਗੀਆਂ। ਫਿਲਮ ਨਿਰਮਾਤਾ ਨੇ ਕਿਹਾ, ”ਇਸ ਸਕੀਮ ਲਈ ਉਹ ਬਹੁਤ ਖੁਸ਼ ਹਨ। ਕੌਮੀ ਸਿਨੇਮਾ ਦਿਵਸ ਨੇ ਸਾਨੂੰ ਸਿਖਾਇਆ ਕਿ ਕਿਸ ਤਰ੍ਹਾਂ ਟਿਕਟ ਦੀਆਂ ਸਹੀ ਕੀਮਤਾਂ ਨਾਲ ਵੱਡੇ ਪਰਦੇ ‘ਤੇ ਵੱਧ ਤੋਂ ਵੱਧ ਦਰਸ਼ਕਾਂ ਦਾ ਮਨੋਰੰਜਨ ਕੀਤਾ ਜਾ ਸਕਦਾ ਹੈ। -ਪੀਟੀਆਈ