ਮੁੰਬਈ, 7 ਅਕਤੂਬਰ
ਉੱਘੇ ਅਭਿਨੇਤਾ ਅਰੁਣ ਬਾਲੀ ਦਾ ਅੱਜ ਸਵੇਰੇ ਉਪਨਗਰ ਮੁੰਬਈ ਸਥਿਤ ਉਨ੍ਹਾਂ ਦੇ ਘਰ ਵਿੱਚ ਦੇਹਾਂਤ ਹੋ ਗਿਆ। ਉਹ 79 ਸਾਲ ਦੇ ਸਨ। ਸੀਰੀਅਲ ‘ਸਵਾਭਿਮਾਨ’ ਅਤੇ ਹਿੱਟ ਫਿਲਮ ‘3 ਇਡੀਅਟਸ’ ‘ਚ ਨਿਭਾਈ ਭੂਮਿਕਾ ਲਈ ਬਾਲੀ ਦੀ ਕਾਫੀ ਤਾਰੀਫ ਹੋਈ ਸੀ। ਬਾਲੀ ਦੇ ਬੇਟੇ ਅੰਕੁਸ਼ ਨੇ ਦੱਸਿਆ ਕਿ ਉਸ ਦੇ ਪਿਤਾ ਬਿਮਾਰ ਸਨ ਤੇ ਇਸ ਸਾਲ ਦੀ ਸ਼ੁਰੂਆਤ ‘ਚ ਵੀ ਉਨ੍ਹਾਂ ਨੂੰ ਹਸਪਤਾਲ ‘ਚ ਭਰਤੀ ਕਰਵਾਇਆ ਗਿਆ ਸੀ। ਅੰਕੁਸ਼ ਅਨੁਸਾਰ ਇਲਾਜ ਦਾ ਅਸਰ ਉਸ ਦੇ ਪਿਤਾ ‘ਤੇ ਨਜ਼ਰ ਆ ਰਿਹਾ ਸੀ ਪਰ ਸਵੇਰੇ 4.30 ਵਜੇ ਦੇ ਕਰੀਬ ਉਨ੍ਹਾਂ ਦੀ ਮੌਤ ਹੋ ਗਈ।