ਚਾਰਲਸਟਨ, 9 ਅਪਰੈਲ
ਵਿਸ਼ਵ ਦੀ ਦੂਜਾ ਦਰਜਾ ਪ੍ਰਾਪਤ ਓਨਸ ਜਬਿਓਰ ਨੇ ਮੀਂਹ ਕਾਰਨ ਪ੍ਰਭਾਵਿਤ ਮੈਚ ਵਿੱਚ ਤੀਜਾ ਦਰਜਾ ਪ੍ਰਾਪਤ ਡਾਰੀਆ ਕਸਾਤਕਿਨਾਂ ਨੂੰ ਸਿੱਧੇ ‘ਚ ਮਾਤ ਦਿੰਦਿਆਂ ਚਾਰਲਸਟਨ ਓਪਨ ਟੈਨਿਸ ਟੁਰਨਾਮੈਂਟ ਦੇ ਫਾਈਨਲ ‘ਚ ਜਗ੍ਹਾ ਬਣਾ ਲਈ ਹੈ। ਪਿਛਲੇ ਸਾਲ ਫਾਈਨਲ ਵਿੱਚ ਬੇਲਿੰਡਾ ਬੈਨਸਿਸ ਤੋਂ ਹਾਰਨ ਵਾਲੀ ਜਬਿਓਰ ਨੇ ਕਾਸਤਕਿਨਾ ਨੂੰ 7-5, 7-5 ਨਾਲ ਹਰਾਇਆ ਸੀ। ਇਸੇ ਦੌਰਾਨ ਜੈਸਿਕਾ ਪੇਗੁਲਾ ਅਤੇ ਚੌਥਾ ਦਰਜਾ ਪ੍ਰਾਪਤ ਬੈਨਸਿਸ ਵਿਚਾਲੇ ਮੈਚ ਮੀਂਹ ਕਾਰਨ ਮੁਲਤਵੀ ਕਰਨਾ ਪਿਆ। ਇਸ ਮੈਚ ਦੇ ਜੇਤੂ ਦਾ ਸਾਹਮਣਾ ਫਾਈਨਲ ਵਿੱਚ ਜਬਿਓਰ ਨਾਲ ਹੋਵੇਗਾ। -ਏਪੀ