ਮਨਾਲੀ: ਅਦਾਕਾਰ ਸਿਧਾਰਥ ਮਲਹੋਤਰਾ ਤੇ ਅਦਾਕਾਰਾ ਰਾਸ਼ੀ ਖੰਨਾ ਨੇ ਦੱਸਿਆ ਕਿ ਉਹ ਆਪਣੀ ਆਉਣ ਵਾਲੀ ਫਿਲਮ ‘ਯੋਧਾ’ ਦੀ ਸ਼ੂਟਿੰਗ ਲਈ ਮਨਾਲੀ ਪਹੁੰਚ ਗਏ ਹਨ। ਇਹ ਫਿਲਮ ਨਿਰਦੇਸ਼ਕ ਪੁਸ਼ਕਰ ਓਝਾ ਤੇ ਸਾਗਰ ਅੰਬਰੇ ਵੱਲੋਂ ਨਿਰਦੇਸ਼ਿਤ ਕੀਤੀ ਗਈ ਹੈ। ਫਿਲਮ ਕਰਨ ਜੌਹਰ ਦੀ ਧਰਮਾ ਪ੍ਰੋਡਕਸ਼ਨ ਅਤੇ ਸ਼ਸ਼ਾਂਕ ਖੇਤਾਨ ਦੀ ਮੈਂਟਰ ਡਿਸਾਈਪਲ ਫਿਲਮਜ਼ ਵੱਲੋਂ ਬਣਾਈ ਗਈ ਹੈ। ਸਿਧਾਰਥ ਮਲਹੋਤਰਾ ਨੇ ਇੰਸਟਾਗ੍ਰਾਮ ‘ਤੇ ਫਿਲਮ ਦੀ ਸ਼ੁੂਟਿੰਗ ਬਾਰੇ ਆਪਣੇ ਪ੍ਰਸ਼ੰਸਕਾਂ ਨਾਲ ਜਾਣਕਾਰੀ ਸਾਂਝੀ ਕੀਤੀ ਹੈ। ਉਸ ਨੇ ਕੁੱਲੂ ਵਾਦੀ ਦੀ ਇਕ ਵੀਡੀਓ ਸਾਂਝੀ ਕੀਤੀ ਹੈ, ਜਿਸ ਦੇ ਕੈਪਸ਼ਨ ਵਿੱਚ ਹੈਸ਼ਟੈਗ ‘ਯੋਧਾ’ ਤੇ ‘ਸ਼ੇਰਸ਼ਾਹ’ ਲਿਖਿਆ ਹੈ। ਜ਼ਿਕਰਯੋਗ ਹੈ ਕਿ ਅਦਾਕਾਰਾ ਰਾਸ਼ੀ ਖੰਨਾ ਇਸ ਤੋਂ ਪਹਿਲਾਂ ਤਾਮਿਲ ਦੀ ਹਿੱਟ ਫਿਲਮ ‘ਤਿਰੂਚਿਤਰਾਂਬਲਮ’ ਵਿੱਚ ਨਜ਼ਰ ਆਈ ਸੀ। ਉਸ ਨੇ ਵੀ ਸੋਸ਼ਲ ਮੀਡੀਆ ‘ਤੇ ਇਕ ਵੀਡੀਓ ਸਾਂਝੀ ਕੀਤੀ ਹੈ, ਜਿਸ ਨੂੰ ਉਸ ਨੇ ‘ਟੱਚਡਾਊਨ#ਮਨਾਲੀ#ਯੋਧਾ’ ਦੀ ਕੈਪਸ਼ਨ ਦਿੱਤੀ ਹੈ। ‘ਯੋਧਾ’ ਵਿੱਚ ਅਦਾਕਾਰਾ ਦਿਸ਼ਾ ਪਟਾਨੀ ਵੀ ਨਜ਼ਰ ਆਵੇਗੀ। -ਪੀਟੀਆਈ