ਮੁੰਬਈ: ਫਿਲਮ ਅਦਾਕਾਰ ਸਲਮਾਨ ਖਾਨ ਨੇ ਐਲਾਨ ਕੀਤਾ ਹੈ ਕਿ ਉਸ ਦੀ ‘ਟਾਈਗਰ’ ਸੀਰੀਜ਼ ਦੇ ਤੀਜਾ ਭਾਗ ਦੇ ਰਿਲੀਜ਼ ਦਾ ਸਮਾਂ ਅਗਲੇ ਸਾਲ 2023 ਵਿੱਚ ਦੀਵਾਲੀ ਮੌਕੇ ਮਿੱਥਿਆ ਗਿਆ ਹੈ। ਇਹ ਜਾਣਕਾਰੀ ਸਲਮਾਨ ਖਾਨ ਨੇ ਟਵੀਟ ਕਰ ਕੇ ਦਿੱਤੀ। ਸਲਮਾਨ ਨੇ ਟਵੀਟ ਕੀਤਾ, ”ਟਾਈਗਰ ਦੇ ਰਿਲੀਜ਼ ਦੀ ਨਵੀਂ ਤਾਰੀਕ ਆਈ ਹੈ…ਇਹ ਤਾਰੀਕ ਅਗਲੇ ਸਾਲ 2023 ਵਿੱਚ ਦੀਵਾਲੀ ਮੌਕੇ ਰੱਖੀ ਗਈ ਹੈ। ਫਿਲਮ ਹਿੰਦੀ, ਤਾਮਿਲ ਤੇ ਤੇਲਗੂ ਵਿੱਚ ਰਿਲੀਜ਼ ਹੋਵੇਗੀ।” ਉਸ ਨੇ ਫ਼ਿਲਮ ਨਾਲ ਸਬੰਧਤ ਆਪਣੀ ਤਸਵੀਰ ਵੀ ਸਾਂਝੀ ਕੀਤੀ ਹੈ, ਜਿਸ ਵਿੱਚ ਉਸ ਦੀ ਅੱਖ ਅਤੇ ਉਸ ਦਾ ਗੁੱਟ ਹੀ ਦਿਖਾਈ ਦੇ ਰਹੇ ਹਨ ਜਦਕਿ ਉਸ ਦਾ ਮੂੰਹ ਸਕਾਰਫ ਦੇ ਪਿੱਛੇ ਲੁਕਿਆ ਹੋਇਆ ਹੈ। ਜ਼ਿਕਰਯੋਗ ਹੈ ਕਿ ‘ਟਾਈਗਰ -3’ ਵਿੱਚ ਮਨੀਸ਼ਾ ਸ਼ਰਮਾ, ਸਲਮਾਨ ਖਾਨ ਤੇ ਕੈਟਰੀਨਾ ਕੈਫ ਹਨ। ਇਸ ਫ਼ਿਲਮ ਵਿੱਚ ਸ਼ਾਹਰੁਖ ਵੀ ‘ਪਠਾਨ’ ਦੇ ਕਿਰਦਾਰ ਵਿੱਚ ਨਜ਼ਰ ਆਏਗਾ। -ਆਈਏਐੱਨਐੱਸ