ਹੈਦਰਾਬਾਦ: ਅਦਾਕਾਰ ਚਿੰਰਜੀਵੀ ਨੇ ਤਾਪਸੀ ਪੰਨੂ ਦੀਆਂ ਤਾਰੀਫ਼ਾਂ ਦੇ ਪੁਲ ਬੰਨ੍ਹੇ ਹਨ। ਉਸ ਨੇ ਤਾਪਸੀ ਦੀ ਆਉਣ ਵਾਲੀ ਫ਼ਿਲਮ ‘ਮਿਸ਼ਨ ਇੰਪੌਸੀਬਲ’ ਦੇ ਪ੍ਰੀ-ਰਿਲੀਜ਼ ਸਮਾਗਮ ਵਿੱਚ ਸ਼ਿਰਕਤੀ ਕੀਤੀ। ਚਿੰਰਜੀਵੀ ਨੇ ਤਾਪਸੀ ਦੀ ‘ਪਿੰਕ’ ਫ਼ਿਲਮ ਦੀ ਤਾਰੀਫ਼ ਕਰਦੇ ਹੋਏ ਕਿਹਾ ਕਿ ਉਸ ਨੂੰ ਅਫ਼ਸੋਸ ਹੈ ਕਿ ਉਹ ਤਾਪਸੀ ਨਾਲ ਕੰਮ ਨਹੀਂ ਕਰ ਸਕਿਆ। ਅਦਾਕਾਰ ਨੇ ਕਿਹਾ, ”ਮੈਂ ਫ਼ਿਲਮ ‘ਝੁਮੰਡੀ ਨਾਦਮ’ ਵਿੱਚ ਤਾਪਸੀ ਦੀ ਭੂਮਿਕਾ ਦੇਖ ਕੇ ਹੈਰਾਨ ਸੀ। ਜਿਸ ਸਮੇਂ ਮੈਂ ਉਸ ਨਾਲ ਕੰਮ ਕਰ ਸਕਦਾ ਸੀ, ਉਦੋਂ ਤਕ ਮੈਂ ਫ਼ਿਲਮਾਂ ਛੱਡ ਕੇ ਸਿਆਸਤ ਵਿੱਚ ਸਰਗਰਮ ਹੋ ਗਿਆ ਸੀ। ਸਿਆਸਤ ਵਿੱਚ ਹੁੰਦਿਆਂ ਮੈਨੂੰ ਤਾਪਸੀ ਵਰਗੀਆਂ ਅਭਿਨੇਤਰੀਆਂ ਨਾਲ ਕੰਮ ਨਾ ਸਕਣ ਦਾ ਅਫ਼ਸੋਸ ਹੈ।” ਫ਼ਿਲਮ ‘ਮਿਸ਼ਨ ਇੰਪੌਸੀਬਲ’ ਨਿਰੰਜਨ ਰੈੱਡੀ ਅਤੇ ਅਨਵੇਸ਼ ਰੈੱਡੀ ਦੁਆਰਾ ਮੈਟਿਨੀ ਐਂਟਰਟੇਨਮੈਂਟ ਦੇ ਬੈਨਰ ਹੇਠ ਬਣਾਈ ਗਈ ਹੈ। ‘ਮਿਸ਼ਨ ਇੰਪੌਸੀਬਲ’ ਪਹਿਲੀ ਅਪਰੈਲ ਨੂੰ ਰਿਲੀਜ਼ ਹੋਵੇਗੀ, ਜਿਸ ਵਿੱਚ ਤਾਪਸੀ ਪੰਨੂ ਮੁੱਖ ਭੂਮਿਕਾ ਵਿੱਚ ਹੈ। -ਆਈਏਐੱਨਐੱਸ