ਮੁੰਬਈ: ਫਿਲਮ ‘ਦ੍ਰਿਸ਼ਯਮ-2’ ਨੇ ਆਪਣੀ ਰਿਲੀਜ਼ ਮਗਰੋਂ ਪਹਿਲੇ ਹਫ਼ਤੇ ਵਿੱਚ 64 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ। ਫਿਲਮ ਦੇ ਨਿਰਮਾਤਾ ਪ੍ਰੋਡਕਸ਼ਨ ਬੈਨਰ ਪੈਨੋਰਮਾ ਸਟੂਡੀਓਜ਼ ਨੇ ਅੱਜ ਇਹ ਜਾਣਕਾਰੀ ਇੱਥੇ ਇੱਕ ਪ੍ਰੈੱਸ ਵਾਰਤਾ ਦੌਰਾਨ ਸਾਂਝੀ ਕੀਤੀ। ਐਤਵਾਰ ਦੇ ਦਿਨ ਫਿਲਮ ਨੇ 27.17 ਕਰੋੜ ਰੁਪਏ ਦੀ ਕਮਾਈ ਕਰਦਿਆਂ ਕੁੱਲ ਕਮਾਈ ਦਾ ਅੰਕੜਾ 64.14 ਕਰੋੜ ‘ਤੇ ਪਹੁੰਚਾ ਦਿੱਤਾ ਹੈ। ਜ਼ਿਕਰਯੋਗ ਹੈ ਕਿ ਫਿਲਮ ‘ਦ੍ਰਿਸ਼ਯਮ-2’ ਅਦਾਕਾਰ ਅਜੈ ਦੇਵਗਨ ਦੀ 2015 ਵਿੱਚ ਆਈ ਕ੍ਰਾਈਮ ਥ੍ਰਿਲਰ ‘ਦ੍ਰਿਸ਼ਯਮ’ ਦਾ ਅਗਲਾ ਭਾਗ ਹੈ, ਜੋ ਇਸੇ ਨਾਂ ਹੇਠ ਅਦਾਕਾਰ ਮੋਹਨਲਾਲ ਦੀ ਤਾਮਿਲ ਫਿਲਮ ਦੀ ਹਿੰਦੀ ਰੀਮੇਕ ਸੀ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਮਲਿਆਲਮ ਫਿਲਮ ਦਾ ਦੂਜਾ ਭਾਗ ਫਰਵਰੀ 2021 ਵਿੱਚ ਰਿਲੀਜ਼ ਹੋਇਆ ਸੀ। ‘ਦ੍ਰਿਸ਼ਯਮ 2’ ਵਿੱਚ ਤੱਬੂ, ਰਜਤ ਕਪੂਰ, ਇਸ਼ਿਤਾ ਦੱਤਾ ਤੇ ਅਕਸ਼ੈ ਖੰਨਾ ਵੀ ਮੁੱਖ ਭੂਮਿਕਾਵਾਂ ਨਿਭਾਅ ਰਹੇ ਹਨ। -ਪੀਟੀਆਈ